ഇന്ത്യൻ ഫുട്ബോളിൽ ഇത് മാറ്റങ്ങളുടെ കാലം
അടുത്ത ആഴ്ചകളിൽ ട്രാൻസ്ഫർ മാർക്കറ്റിലെ ഏറ്റവും സജീവമായ മാറ്റങ്ങൾ വരുത്തിയ ക്ലബ് ഈസ്റ്റ് ബംഗാളാണ്.
COVID-19 പൊട്ടിപ്പുറപ്പെട്ടതിനെത്തുടർന്ന് ലോക്ക് ഡൗണിലാണ് എങ്കിലും ചില ഇന്ത്യൻ ഫുട്ബോൾ ക്ലബ്ബുകൾ തങ്ങളുടെ സ്ക്വാഡുകൾ പരിഷ്കരിക്കുകയും പുതിയ കൈമാറ്റങ്ങൾ നടത്തുകയും ഈ വേളയിലും ചെയ്യുന്നു. ചില ടീമുകൾ പ്രധാനമായും തങ്ങളുടെ നിലവിലുള്ള കളിക്കാർക്ക് പുതിയ കരാറുകൾ നൽകുന്നതിൽ ശ്രദ്ധ കേന്ദ്രീകരിക്കുമ്പോൾ, ഈസ്റ്റ് ബംഗാൾ പോലുള്ള മറ്റുള്ളവർ ഒരു സമ്പൂർണ്ണ അഴിച്ചുപണിക്കുള്ള കാഹളം മുഴക്കുകയാണ്.
ഇന്ത്യൻ സൂപ്പർ ലീഗിൽ നിന്നും ഐ-ലീഗിൽ നിന്നുമുള്ള ചില ഇന്ത്യൻ ഫുട്ബോൾ ക്ലബ്ബുകൾ തമ്മിലുള്ള അടുത്ത ആഴ്ചകളിൽ നടക്കാൻ പോകുന്ന കൈമാറ്റങ്ങളെക്കുറിച്ച് നമുക്ക് നോക്കാം.
എഫ് സി ഗോവ
ജുവാൻ ഫെറാണ്ടോ
പുതുതായി നിയമിതനായ എഫ്സി ഗോവ ഹെഡ് കോച്ച് ജുവാൻ ഫെറാണ്ടോ ഇതിനോടകം ഇത്തരം മാറ്റങ്ങളിൽആവേശം പ്രകടിപ്പിച്ചു കഴിഞ്ഞു
എഫ്സി ഗോവയുടെ ഔദ്യോഗിക പ്രഖ്യാപനത്തിന് ഒരു ദിവസം മുമ്പ്, ജുവാൻ ഫെറാണ്ടോ ക്ലബ്ബിലെ ഹെഡ് കോച്ച് ചുമതലകൾ ഏറ്റെടുക്കാൻ തീരുമാനിച്ചതായി ഖേൽ നൗ വെളിപ്പെടുത്തിയിരുന്നു. മുൻ മലഗാ ‘ബി’ മാനേജർ കൂടിയായിരുന്ന പ്രശസ്ത പരിശീലകൻ എ.എഫ്.സി ചാമ്പ്യൻസ് ലീഗിൽ കളിക്കാൻ തയ്യാറെടുക്കുമ്പോൾ ക്ലബിലെ ഉത്തരവാദിത്തങ്ങൾ ഏറ്റെടുക്കുന്നത് ഒരു വെല്ലുവിളി തന്നെയാണ്.
“എഫ്സി ഗോവ മാനേജ്മെന്റ് ലോകമെമ്പാടുമുള്ള നൂറുകണക്കിന് സിവികളിലൂടെ കടന്നുപോയി, ക്ലബ്ബിന്റെ പാരമ്പര്യം മുന്നോട്ട് കൊണ്ടുപോകുന്നതിനുള്ള മികച്ച വ്യക്തിയായി ജുവാൻ ആയിരിക്കുമെന്ന തീരുമാനത്തിലെത്തി. ഗോവ അറിയപ്പെടുന്ന അതേ ബ്രാൻഡ് ഫുട്ബോൾ ആകും അദ്ദേഹത്തിന്റെ കീഴിലുള്ള ടീം കളിക്കുക. ” , എഫ് സി ഗോവയോട് വളരെ അടുത്ത ഒരു വ്യക്തിയുടെ വാക്കുകൾ.
കേരള ബ്ലാസ്റ്റേഴ്സ്
റിത്വിക് ദാസ്വ
രാനിരിക്കുന്ന സീസണിന് മുന്നോടിയായി റിയൽ കശ്മീർ എഫ്സിമിഡ്ഫീൽഡർ റിത്വിക് ദാസ് കേരള ബ്ലാസ്റ്റേഴ്സിൽ ചേരുമെന്ന് ഗോൾ.കോം വെളിപ്പെടുത്തി. ഐ-ലീഗിലെ കഴിഞ്ഞ രണ്ട് സീസണുകളിൽ മികച്ച പ്രകടനമാണ് 23 കാരൻ നടത്തിയത്. മാത്രമല്ല, പുതുതായി എത്തുന്ന ഹെഡ് കോച്ച് കിബു വികുനയുടെ കീഴിൽ അദ്ദേഹം കൂടുതൽ അഭിവൃദ്ധി പ്രാപിക്കും. ഈ നീക്കത്തിലൂടെ , സഹൽ അബ്ദുൾ സമദ്, ജീക്സൺ സിംഗ് എന്നിവരുടെ ഒപ്പം റിത്വിക് ചേരും. കേരളത്തിന്റെ മികച്ച ഇന്ത്യൻ മിഡ്ഫീൽഡ് കളിക്കാരുടെ പട്ടികയിൽ റിത്വിക് കൂടി ചേരുമ്പോൾ കൂടുതൽ സ്ഥിരതയും കൈവന്നേക്കും.
ബെംഗളൂരു എഫ്.സി.
പുതിയ റിക്രൂട്ട്മെന്റ്നേക്കാൾ നിലവിലുള്ള നാല് താരങ്ങൾക്ക് പുതിയ കരാറുകൾ നൽകുന്നത് ആണ് BFCയുടെ ഉന്നം നവോറെം റോഷൻ സിംഗ്, അജയ് ഛേത്രി, ലിയോൺ അഗസ്റ്റിൻ, നംഗ്യാൽ ഭൂട്ടിയ എന്നീ നാല് യുവ കളിക്കാർക്ക് ഏപ്രിൽ അവസാനത്തോടെ ബെംഗളൂരു എഫ്സി കരാർ നീട്ടിനൽകി. 2019-20 സീസണിൽ ഐ എസ് എല്ലിൽ അരങ്ങേറ്റം കുറിച്ചു. അജയ് കരാർ അടുത്ത രണ്ട് സീസണുകളിലേക്കാണ് നീട്ടിയത്, മറ്റ് മൂന്ന് താരങ്ങളേയും ഈ കരാറുകൾക്ക് അനുബന്ധമായി ആണ് മൂന്ന് വർഷത്തേക്ക് ക്ലബ്ബുമായി ബന്ധിപ്പിച്ചിരിക്കുന്നത്.
ഒഡീഷ എഫ്.സി.
ശുഭം സാരംഗി കരാർ നീട്ടിയത് ആണ് അവിടുത്തെ ചൂടുള്ള വാർത്ത,കഴിഞ്ഞ സീസണിൽ ഒഡീഷ എഫ്സിക്കായി ശുഭം സാരംഗി മികച്ച പ്രകടനം ആണ് നടത്തിയത്. 19 കാരനായ റൈറ്റ് ബാക്ക് ശുഭം സാരംഗി 2023-വരെ ഒഡീഷ ക്ലബ്ബിനൊപ്പം തന്റെ കരാർ കാലാവധി നീട്ടി. കഴിഞ്ഞ സീസണിൽ ഐ എസ് എല്ലിൽ ആറാം സ്ഥാനത്തെത്തിയ ക്ലബിനായി കൗമാരക്കാരൻ തിളക്കമാർന്ന പ്രകടനമായിരുന്നു നടത്തിയത്. 17 തവണ സാരംഗി ഒഡീഷയെ പ്രതിനിധീകരിച്ചിരുന്നു, അതിൽ പ്രതിരോധനിരയുടെ കരുത്ത് വർദ്ധിപ്പിക്കുന്നതിനൊപ്പം ഒരു ഗോളിന് വഴിയൊരുക്കുകയും ശുഭം ചെയ്തു.
ഹൈദരാബാദ് എഫ്.സി.
നിഖിൽ പൂജാരി
ഹൈദരാബാദ് എഫ്സി ഇന്ത്യ അന്താരാഷ്ട്ര താരം നിഖിൽ പൂജാരിയുടെ കരാർ മൂന്ന് വർഷത്തേക്ക് കൂടി നീട്ടി. കളത്തിന്റെ മൊത്തം 1555 മിനിറ്റ് ചിലവഴിച്ച പൂജാരി കഴിഞ്ഞ തവണ ടീമിന്റെ യൂണിറ്റിലെ ഒരു സുപ്രധാന ഘടകം ആയിരുന്നു. അടുത്ത സീസണിൽ ആൽബർട്ട് റോക്കയുടെ മാർഗ്ഗനിർദ്ദേശത്തിൽ അദ്ദേഹം കൂടുതൽ പ്രാധാന്യമുള്ള പങ്ക് വഹിക്കുമെന്ന് പ്രതീക്ഷിക്കുന്നു.
അഭിഷേക് ഹാൽദറും ഡിംപിൾ ഭഗത്തും
പൂജാരിയെ കൂടാതെ അഭിഷേക് ഹാൽഡർ, ഡിംപിൾ ഭഗത് എന്നിവരും ഹൈദരാബാദ് എഫ്സിയുമായി പുതിയ കരാറുകൾ ഒപ്പിട്ടി,ട്ടുണ്ട്. 2019-20 കാമ്പെയ്നിൽ ഹാൽദറും ഭഗത്തും യഥാക്രമം എട്ട്, രണ്ട് മത്സരങ്ങൾ ഹൈദരാബാദിന് വേണ്ടി കളിച്ചു, . ക്ലബുമായുള്ള അവരുടെ രണ്ട് പേരുടെയും കരാറുകളും 2022 വരെ നീണ്ടുനിൽക്കും.
ഗോകുലം കേരള എഫ്.സി.
ഷയാൻ റോയ്
ഏപ്രിൽ 21 ന് ഖേൽ ഇപ്പോൾ സ്ഥിരീകരിച്ച വാർത്ത ആയിരുന്നു ഗോകുലം കേരള എഫ്സി ഗോൾ കീപ്പർ ശയന് റോയ്നെ റാഞ്ചുന്നുവെന്ന്. ഈ 28 കാരൻ മുമ്പ് ഐ എസ് എല്ലിൽ ദില്ലി ഡൈനാമോസിനെ പ്രതിനിധീകരിച്ചു. അവിടെ, റോയ് ഒരു ബാക്കപ്പ് കസ്റ്റോഡിയന്റെ വേഷം മാത്രമാണ് നിർവഹിച്ചത്, അത് കാരണം 2019-20 സീസണിലെ മൂന്ന് മത്സരങ്ങൾ മാത്രമാണ് അദ്ദേഹം കളിച്ചത്.
ഈസ്റ്റ് ബംഗാൾ
മറ്റേതൊരു ഇന്ത്യൻ ഫുട്ബോൾ ക്ലബ്ബിനേക്കാളും കൂടുതൽ കൈമാറ്റങ്ങളിൽ ഏർപ്പെട്ടിരിക്കുന്നത് ഈസ്റ്റ് ബംഗാൾ ആണ് അടുത്ത കാലത്തായി തുടർച്ചയായി താരങ്ങളേ ഒപ്പുവെച്ചുകൊണ്ടിരിക്കുകയാണ് അവർ. അവരുടെ റഡാറിന് കീഴിലുള്ള കളിക്കാരെ നോക്കാം:
മുഹമ്മദ് റഫിഖ്
മുംബൈ സിറ്റി എഫ്സിപ്ലെയർ മുഹമ്മദ് റഫിക്ക് ഈസ്റ്റ് ബംഗാളിൽ ഒരു സീസൺ നീണ്ടുനിൽക്കുന്ന കരാറിൽ ഒപ്പിടുമെന്ന് ഖേൽ നൗ വെളിപ്പെടുത്തിയിരുന്നു. ഐ-ലീഗിൽ നാല് സീസണുകളിൽ കൊൽക്കത്ത ആസ്ഥാനമായുള്ള ക്ലബ്ബിനെ 27 കാരൻ മുമ്പ് പ്രതിനിധീകരിച്ചിട്ടുണ്ട്. മാത്രമല്ല, കഴിഞ്ഞ രണ്ട് കാമ്പെയ്നുകളിൽ അദ്ദേഹം ദ്വീപ് നിവാസികൾക്കായി 17 മത്സരങ്ങൾ കളിച്ചു.
എന്നിരുന്നാലും, 2019-20 സീസണിൽ അദ്ദേഹത്തിന്റെ സ്വാധീനം ഗണ്യമായി കുറഞ്ഞു, അത് കാരണം ക്ലബ്ബിന് വേണ്ടി ആറ് മത്സരങ്ങൾ മാത്രമാണ് റഫിക് കളിച്ചത്. സൗവിക് ചക്രബർത്തിയുടെയും സാർതക് ഗോലുയിയുടെയും അഭാവത്തിൽ അദ്ദേഹം താൽക്കാലിക റൈറ്റ് ബാക്ക് ആയി ആണ് കളിച്ചത്.
റിക്കി ഷാബോംഗ്
ഇന്ത്യൻ ആരോസിന്റെ പ്രതിരോധ മിഡ്ഫീൽഡർ റിക്കി ഷാബോങ് ഈസ്റ്റ് ബംഗാളിലേക്ക് വരുന്നു എന്ന് കഴിഞ്ഞ മാസം ഖേൽ നൗ റിപ്പോർട്ട് ചെയ്തിരുന്നു. ഈ 17 കാരൻ മൂന്ന് വർഷത്തെ കരാറിൽ ഈസ്റ്റ് ബംഗാളിൽ ചേരാനൊരുങ്ങുന്നു. കഴിഞ്ഞ സീസണിൽ ആരോസിനായി അദ്ദേഹം മികച്ച പ്രകടനം കാഴ്ചവച്ചിരുന്നു ഷാബോങ്. എ.ഐ.എഫ്.എഫിന്റെ പ്രോഡക്ട് ആയ അദ്ദേഹത്തെയും കൂടി ഇറക്കാൻ കഴിഞ്ഞാൽ കിഴക്കൻ ബംഗാളിനെ സംബന്ധിച്ചിടത്തോളം ആവേശകരമായ ഒരു നീക്കം ആകുമത്.
സ്ഥിരീകരിച്ച മാറ്റങ്ങൾ
ട്രാൻസ്ഫർ മാർക്കറ്റിൽ ക്ലബ് നടത്തിയ ആദ്യ നീക്കങ്ങളിലൊന്നാണ് എടികെയിൽ നിന്നുള്ള ബൽവന്ത് സിങ്ങിന്റെ റോപ്പിംഗ്. അതിനുശേഷം സെഹ്നാജ് സിംഗ്, കാവിൻ ലോബോ, ബികാഷ് ജയ്രു എന്നിവരും ക്ലബ്ബിൽ ചേർന്നു.
മൂന്ന് വർഷത്തെ കരാറിൽ ലോബോ തന്റെ മുൻ ക്ലബുമായി വീണ്ടും ഒന്നിക്കുമെന്ന് ഖേൽ നൗ പ്രഖ്യാപിച്ചിരുന്നു. റെഡ്, ഗോൾഡ്സ് നിറങ്ങളിലേക്ക് മാറാൻ തീരുമാനിക്കുന്നതിന് മുമ്പ് 32 കാരൻ പഞ്ചാബ് എഫ്സിയിൽ കളിക്കുകയായിരുന്നു. ഐഎസ്എൽ ചാമ്പ്യന്മാരായ എടികെയിൽ നിന്ന് സെഹ്നാജ് സിങ്ങിന്റെ കൈമാറ്റം ഗോൾ.കോം വെളിപ്പെടുത്തിയിരുന്നു.
കൊൽക്കത്ത ഭീമന്മാർ ചൊവ്വാഴ്ച ട്രാൻസ്ഫർ മാർക്കറ്റിൽ നിർണായകമായ ചില മാറ്റങ്ങൾ കൂടി നടത്തി. മോഹൻ ബഗാനിൽ നിന്നുള്ള ശങ്കർ റോയ്, ജംഷദ്പൂർ എഫ്സിയിൽ നിന്നുള്ള കീഗൻ പെരേര, പഞ്ചാബ് എഫ്സിയിൽ നിന്നുള്ള ഗിരിക് ഖോസ്ല, ഗോകുലം കേരളത്തിൽ നിന്നുള്ള മുഹമ്മദ് ഇർഷാദ് എന്നിരും ഉടൻ കരാറിൽ ഒപ്പുവയ്ക്കും.
For more updates, follow Khel Now on Twitter and join our community on Telegram.
Where passion meets insight — blending breaking news, in-depth strategic analysis, viral moments, and jaw-dropping plays into powerful sports content designed to entertain, inform, and keep you connected to your favorite teams and athletes. Expect daily updates, expert commentary and coverage that never leaves a fan behind.