ഒരു ടീമും ഓപ്പൺ പ്ലേയിൽ നിന്ന് കേരളത്തിനെതിരെ ഗോൾ അടിച്ചിട്ടില്ല - ഷറ്റോറി

കേരളാ ബ്ലാസ്റ്റേഴ്‌സ് പ്രതിരോധ താരം സുയിവർലോൺ പരിക്ക് കാരണം ആറാഴ്ചയോളം നഷ്ടമായേക്കുമെന്ന് കേരളാ ബ്ലാസ്റ്റേഴ്‌സ് കോച്ച് എൽകോ ഷറ്റോറി.

കേരളാ ബ്ലാസ്റ്റേഴ്സും കൊച്ചി കോർപറേഷനും തമ്മിലുള്ള പ്രശ്നങ്ങളെ കുറിച്ച് റിപോർട്ടുകൾ വന്നിരുന്നു. കേരളാ ബ്ലാസ്റ്റേഴ്‌സ് കൊച്ചി വിടുന്നത് പരിഗണിക്കുകയാണെന്ന് റിപോർട്ടുകൾ വന്നിരുന്നു. ഇതിനെ കുറിച്ച് ചോദിച്ചപ്പോൾ, കളിക്കളത്തിന് പുറത്ത് നടക്കുന്ന കാര്യങ്ങളെ കുറിച്ച് താൻ വല്ലാതെ ശ്രദ്ധ ചെലുത്താർ ഇല്ലെന്നും കോച്ച് പറഞ്ഞു.

കേരളം വഴങ്ങിയ നാല് ഗോളുകളും സെറ്റ് പീസിൽ നിന്നാണെന്നും, ഒരു ടീമും ഓപ്പൺ പ്ലേയിൽ നിന്ന് കേരളത്തിനെതിരെ ഗോൾ അടിച്ചിട്ടില്ലെന്നും കോച്ച് പറഞ്ഞു. കഴിഞ്ഞ മത്സരത്തിൽ പ്രതിരോധനിരയിലെ സുപ്രധാന താരങ്ങളിൽ ഒരാളായ സുയിവർലോണിനെ നഷ്ടമായെന്നും കോച്ച് മാധ്യമങ്ങളോട് പറഞ്ഞു.

[KH_ADWORDS type="3" align="center"][/KH_ADWORDS]

"കഴിവുള്ള താരങ്ങളുമായി ഒരുപാട് പ്രവർത്തിച്ചതിന്റെ പരിചയസമ്പന്നതയുള്ള ഒരു കോച്ച് ഉണ്ടെങ്കിൽ, അത് ഞാനാണ്. ഞാൻ എപ്പോഴും കഴിവുള്ളവരെ പിന്തുണക്കും." കോച്ച് പറഞ്ഞു.

സഹൽ തന്റെ സിസ്റ്റത്തിലേക്ക് പൊരുത്തപ്പെടാൻ സമയം എടുക്കും എന്നും, സഹൽ ടീമിൽ ഉള്ളതിൽ താൻ സന്തോഷവാൻ ആണെന്നും കോച്ച് വ്യക്തമാക്കി. ഒരുപാട് ആരാധകർ ഉള്ള ടീമിൽ പ്രവർത്തിക്കുമ്പോൾ, പ്രതീക്ഷകൾ ഏറെയാവുമെന്നും കോച്ച് പറഞ്ഞു.

[KH_RELATED_NEWS title="Related News | Article Continues Below"][/KH_RELATED_NEWS]

" കുറെ പിന്തുണക്കാർ ഉള്ള ഒരു ക്ലബിൽ പ്രവർത്തിക്കുമ്പോൾ ഉള്ള ബുദ്ധിമുട്ട് എന്തെന്നാൽ, പ്രതീക്ഷകൾ ഉയരെയാണ് എപ്പോഴും." കോച്ച് പറഞ്ഞു. തന്റെ ടീം പൂർണ്ണ ക്ഷമതയോടെ ഉണ്ടായിരുന്നുവെങ്കിൽ ആദ്യ നാല് സ്ഥാനങ്ങൾക്ക് വേണ്ടി പോരാടാമായിരുന്നു, എന്നാൽ അത് അല്ല അവസ്ഥ എന്നും കോച്ച് പറഞ്ഞു.

ആദ്യ മത്സരം ജയിച്ച കേരളാ ബ്ലാസ്റ്റേഴ്‌സ് അടുത്ത രണ്ട് മത്സരങ്ങളിൽ പരാജയപ്പെടുകയായിരുന്നു. ഒഡിഷ എഫ്‌സിക്കെതിരെ സ്വന്തം കാണികളുടെ മുന്നിൽ വിജയം ലക്ഷ്യമിട്ടാവും കേരളാ ബ്ലാസ്റ്റേഴ്‌സ് കളത്തിലിറങ്ങുക. എന്നാൽ പ്രതിരോധനിരയിലെയും, മധ്യനിരയിലെയും പരിക്കുകൾ കേരളാ ബ്ലാസ്റ്റേഴ്സിന് തിരിച്ചടിയാണ്.