എൽകോ ഇപ്പോൾ ഈ ടീമിന്റെ ഭാഗമാണ്, ഭാവിയിൽ എന്താണ് സംഭവിക്കുക എന്നറിയില്ല - ഇഷ്ഫാഖ് അഹമ്മദ്

പരിക്കുകളാൽ ടീം നിർഭാഗ്യരായിരുന്നെന്ന് ഇഷ്ഫാഖ് അഹമ്മദ്.

ഇന്ത്യൻ സൂപ്പർ ലീഗ് സീസൺ ആറിലെ തങ്ങളുടെ പതിനാറാമത്തെ മത്സരത്തിൽ കേരള ബ്ലാസ്റ്റേഴ്‌സ് നോർത്ത്ഈസ്റ്റ് യുണൈറ്റഡ് എഫ്‌സിയെ നേരിടും. മത്സരത്തിന് മുന്നോടിയായി മാധ്യമങ്ങളെ കണ്ട കേരളാ ബ്ലാസ്റ്റേഴ്‌സ് പരിശീലകൻ  ഇഷ്ഫാഖ് അഹമ്മദ് പരിക്കുകളാൽ നിർഭാഗ്യരായിരുന്നു ടീമെന്ന് അഭിപ്രായപ്പെട്ടു. [KH_ADWORDS type="3" align="center"][/KH_ADWORDS] മുൻ നോർത്ത്ഈസ്റ്റ് യുണൈറ്റഡ് എഫ്‌സി പരിശീലകനാണ് എൽകോ ഷറ്റോറി. നോർത്ത്ഈസ്റ്റ് യുണൈറ്റഡിന് എതിരെ ഇതിന്റെ ആനുകൂല്യം ഉണ്ടാവുമോ എന്ന ചോദ്യത്തിന് വലിയ നേട്ടം ഒന്നും ഇല്ല എന്നായിരുന്നു ഇഷ്ഫാഖിന്റെ മറുപടി. "തന്ത്രപരമായി എൽകോ വളരെ ശക്തനാണ്. എല്ലാ ടീമുകളെയും അദ്ദേഹത്തിന് നേരെ അറിയാം, അദ്ദേഹത്തിന്റെ പദ്ധതികൾക്ക് അനുസരിച്ച് ഞങ്ങൾ പോവും. ഈ ടീമിനെയും കളിക്കാരെയും  നന്നായി അറിയാമെന്നാണ് അദ്ദേഹം പറയുന്നത്. ഞങ്ങൾ തയ്യാറെടുത്തിട്ടുണ്ട്, അവരും തയ്യാറെടുത്തിട്ടുണ്ടാവും." ഇഷ്ഫാഖ് പറഞ്ഞു. അടുത്ത സീസണിൽ കേരളാ ബ്ലാസ്റ്റേഴ്‌സ് പരിശീലകനെ മാറ്റുമെന്ന അഭ്യൂഹങ്ങൾ ശക്തമാണ്. എൽകോ ഇപ്പോൾ ടീമിന്റെ ഭാഗമാണെന്നും ഭാവിയിൽ എന്താണ് സംഭവിക്കുക എന്നറിയില്ല എന്നും ഇഷ്ഫാഖ് വെളിപ്പെടുത്തി. "എനിക്കറിയില്ല. കുറെ അഭ്യൂഹങ്ങളുണ്ട്. അദ്ദേഹം (എൽകോ) ടീമിന്റെ ഭാഗമാണ്. ഭാവി പ്രവചിക്കാൻ കഴിയില്ല." ഇഷ്ഫാഖ് പറഞ്ഞു.